Siri nje! Staa kutoka Lebo ya Wasafi Classic Baby (WCB) anayejipenyeza
kwa kasi kwenye Bongo Fleva, Rajab Abdulhan ‘Harmonize’ amekiri kuwa
shemeji yake kwa Mwanamuziki Nasibu Abdul ‘Diamond Platnumz;, Zarinah
Hassan ‘Zari The Boss Lady’,ndiye aliyemuunganisha na demu mkali kutoka
Nairobi nchini Kenya, Huddah Monroe ‘The Boss Chick’.
‘Harmonize’ akiwa na Huddah.
Akizungumza ndani ya Makao Makuu ya ofisi zetu, Bamaga-
Mwenge jijini Dar, wikiendi iliyopita, Harmonize alisema kuwa kwenye
maisha yake hakuwahi kuwa na ndoto ya kukutana laivu na Huddah lakini
bahati hiyo aliipata akiwa nchini Afrika Kusini baada ya kukutanishwa
naye na Zari.
“Katika maisha yangu nilikuwa namuona tu Huddah na kumtamani ila
namshukuru shemeji yangu Zari aliyenikutanisha na Huddah na
kutuunganisha kuwa marafiki ambao tumekuwa tukiwasiliana utadhani
tulifahamiana zaidi ya miaka hata mitano huko nyuma,” alisema Harmonize
akihojiwa na Global TV Online.
;